Ministrja e Financave Hykmete Bajrami, nuk po merr pjesë në mbledhjen e Komisionit për Buxhet dhe Financa të Kuvendit të Kosovës, raporton InLajmi.
Raportimin në këtë komision po e bën zëdhënësi i saj Agim Krasniqi, ku po diskutohet për masat e marra fiskale ndaj situatës me COVID-19.
Në komision është shqyrtuar Projektligji për ratifikimin e Marrëveshjes ndërmjet Republikës së Kosovës dhe Asociacionit Ndërkombëtar për Zhvillim lidhur me financimin e programit, nxitja dhe lejimi i mundësive për sigurimin e ujit.
Ndërsa, në rend dite ka edhe shqyrtimin e Projektligjit për ratifikimin e Marrëveshjes Kornizë për kredi ndërmjet Bankës për Zhvillim të Këshillit të Evropës dhe Kosovës, instrumenti për financim të sektorit publik për reagim të shpejtë ndaj COVID-19./InLajmi/
