Zëvendësministri i Financave dhe Transfereve, Agim Krasniqi , ka thënë se ndërmarrjet publike janë në gjendje të rëndë, dhe se duhet reaguar bashkërisht, raporton InLajmi.
Ai këto komente i ka bërë gjatë raportimit në Komisionin për Buxhet dhe Transfere mbi masat fiskale të marra për t’iu përgjigjur situatës me Pandeminë dhe për gjendjen e borxhit publik
Krasniqi ka thënë se janë duke u përgatitur për të hyrë në një kredi deri në 30 milionë euro që do t’i ndihmonte ndërmarrjet në kthimin e likuiditetit.
“Sot mundem me ju thanë se kam pasur takime me disa ndërmarrje dhe nuk jam i kënaqur hiq, është e qartë se diçka nuk është duke funksionuar tek ndërmarrjet publike, dhe duhet bashkërisht të marrim masa”.
Ajo çfarë ne jemi tu negociuar është që me e marrë ketë kredi, ku ne kemi ndarë 16 milionë euro që dhe 14 milionë euro për çështjen e likuditetit. Do të jemi shumë të kujdesshëm që më ruajt likuiditetin për ndërmarrjet publike”, ka thënë Krasniqi gjatë fjalimit të tij./InLajmi/
