Presidenti sirian, Bashar al-Assadi, ka akuzuar presidentin turk, Tayyip Erdogan, si nxitës kryesor i konfliktit mes Armenisë dhe Azerbejxhanit në zonën e Nagorno Karabakhut.
Turqia ka shprehur solidaritetin dhe përkrahjen ndaj forcave azere ndërsa Armenia ka një pakt me Rusinë.
Këto deklarime, Assad i ka bërë për agjencinë e lajmeve RIA, të Rusisë, transmeton Reuters të martën.
Luftimet mes Armenisë dhe Azerbejxhanit kanë filluar që nga 27 shtatori ndërsa si konflikt, është aktual që nga vitet 1990, përcjell KOHA.
Këto kanë nxitur shqetësimin ndërkombëtar se fuqitë e tjera rajonale, mund të tërhiqen në konflikt.
