Kryetari i komunës së Gjilanit, Lutfi Haziri para komisionit hetimor parlamentar në lidhje me menaxhimin e pandemisë, tha se asnjëherë nuk është informuar se i ndjeri Agon Musliu kishte probleme shëndetësore, raporton InLajmi.
Musliu vdiq derisa ishte i vendosur në karantinë në Qendrën Studentëve, ai tha tutje se vdekja e Musliut e quajtur “njollë të zezë”, duke kërkuar që sa më parë të zbulohet nga organet e rendit.
“Asnjë problem shëndetësor nuk është paraqitur tek unë vetëm e kam ditur se është një i ri, që banon i vetëm në banesë, pa mundësi për të qëndruar në konvikt, dhe kërkesa e tij ka qenë e arsyeshme”, shtoi Haziri.
“Na është thënë se edhe studentët janë në mesin e atyre me prioritet për tu kthyer në vend. Për mua ka qenë përtej se falënderuese angazhimi i ambasadorit Cufaj për kthimin e tij në Kosovë”./InLajmi/
