Në Klinikën Gjinekologjike Obstetrike të Qendrës Klinike dhe Universitare të Kosovës, që nga janari kanë lindur 6725 fëmije.
Që nga 1 janari i këtij viti e deri më 27 shtator, në Klinikën Gjinekologjike Obstetrike të Qendrës Klinike dhe Universitare të Kosovës, kanë lindur 6257 fëmijë.
Drejtori i kësaj klinike, Jakup Ismajli, ka bërë të ditur për lajmi.net, se nga këta 6 725 fëmijë, 3 195 kanë qenë femra dhe 3678 kanë qenë meshkuj.
Mirëpo në mesin e tyre siç bën të ditur Ismajli kanë qenë 156 binjakë dhe katër kanë qenë trenjakë dhe kanë qenë 2641 nëna që për herë të parë janë bërë nëna.
Ismajli po ashtu ka bërë të ditur se në periudhën e pandemisë COVID-19, kanë qenë 28 shtatzëna të infektuara me koronavirus të cilat kanë sjellë në jetë fëmijë.
Duhet theksuar se aktualisht në Kosovë numri i të infektuarve me koronavirus ka rënë dukshëm e po ashtu edhe numri i viktimave.
Sipas të dhënave të Institutit Kombëtar të Shëndetësisë Publike të Kosovës, që nga 13 marsi kur edhe janë regjistruar rastet e para me koronavirus, e deri më 27 shtator kanë qenë 622 viktima nga koronavirus, ndërkaq aktualisht numri total i viktimave është 630.
