Deklarimi i zv.kryeministrit Driton Selmanaj, se kryeministri Avdullah Hoti e merr bukën me vete në punë, dhe se e lutë a po don pak, u bo një prej temave më të përfolura, sidomos në rrjetet sociale ku shpërtheu humori.
Për këtë deklarim të Selmanaj është pyetur edhe deputeti i Lëvizjes Vetëvendosje, Hekuran Murati në REPORTERI/INTERVISTA i cili ka thënë se edhe ai personalisht shpesh nga dita e ngarkuar në Kuvend të Kosovës, sidomos kur mbahen seancat edhe vet ha ndonjë burek në ndonjë lokal që gjendet afër ndërtesës së Kuvendit.
Ai ka thënë se e rëndësishme është të kryhen punët.
“Nuk është çështja çka mund të hajë dikush dhe si mund ta zhvillojë jetën e vet një person, në luks a modesti, ideja është çfarë përfiton shteti, ose çfarë realisht nuk do të duhet të humbte shteti. Edhe po na ndodh rëndom me këto qeveri që po proklamojnë që hajn bukë e burek në zyre, e pastaj po shkon Çakorri, e po hidhet edhe Ujmani në tavolinë. Do të kisha preferuar të ketë zhvillim më normal të qeverisjes, jo domosdo me këto modestitë e pretenduara, mirëpo në anën tjetër të mbrohet interesi shtetërorë”, ka deklaruar Murati.
