Lista Serbe ka reaguar pas raportimit se mbrëmjen e së shtunës ka pasur të shtëna me armë zjarri në drejtim të dy fëmijëve serbë. Po kërkojnë që ndërkombëtarët të reagojnë më shpejtë.
Përmes një statusi në Facebook, Lista Serbe po kërkon nga autoritetet të hetojnë rastin dhe t’i dënojnë fajtorë
“Ekzistenca e videove që regjistruan sulmin ndaj fëmijëve të pafajshëm është e mjaftueshme për t’i treguar policisë se ata janë të gatshëm për të mbrojtur qytetarët por gjithashtu privojnë liritë e atyre që shkelin ligjin, pavarësisht nga kombësia e viktimave ose sulmuesve”, thuhet në reagim.
Lista Serbe po kërkon nga bashkësia ndërkombëtare të reagojë më shpejtë për këtë rast.
“Ajo armë u drejtua të gjithë serbëve në Kosovë mbrëmë, dhe bashkësia ndërkombëtare duhet të reagojë në mënyrë më urgjente. Ne mendojmë për KFOR-in dhe EULEX-in të cilët janë të mandatuar të sigurojnë një mjedis të sigurt për të gjithë”, thuhet në reagim, përcjell Reporteri.
Lista Serbe ka akuzuar policinë për mungesë të vullnetit për të mbrojtur komunitetet joshumicë në vend.
