Sot është mbledhur Këshillin Shtetëror për Siguri Kibernetike në krye me koordinatorin e këtij Këshilli, Zafir Berisha, ku është diskutuar për shumë çështje që lidhen me sigurin kibernetike në vendin tonë, shkruan InLajmi.
Berisha që është edhe zv.ministër i Punëve të Brendshme, ka theksuar se ka takuar Këshillin Shtetëror për Siguri Kibernetike ku është njoftuar lidhur me angazhimet e këshillit në fushën e sigurisë kibernetike dhe me ligjin për siguri kibernetike.
Ai po ashtu tha se është shumë me rëndësi senzibilizimi i qytetarëve lidhur me rreziqet që vijnë nga sulmet kibernetike.
Në bazë të përgjegjësive si zv.ministër i MPB, sot takova Këshillin Shtetëror për Siguri Kibernetike ku u njoftova lidhur me angazhimet e këshillit në fushën e sigurisë kibernetike, strategjin kundër krimit kibernetik , projekt ligjin për siguri kibernetike si dhe çështje me rëndësi në fushën e senzibilizimit të qytetarëve lidhur me rreziqet që vijnë nga sulmet kibernetike!
Tetori është muaji i ndërgjegjësimit për siguri kibernetike. “Kujdes në internet”/InLajmi/
