Anëtari i Kryesisë së Shoqatës së Invalidëve të Luftës së UÇK-së, i cili ka qenë edhe kryetar i OVL UÇK-së, Faik Fazliu thotë se duan ta demaskojnë bashkëpunimin e Speciales me Serbinë.
Ai ka thënë se dikujt në Kosovë po i konvenon që të shoh bartësit e luftës të dalin nga skena politike.
“Ka njerëz brenda Kosovës që iu konvenon që të shohin bartësit e luftës të dalin nga skena politike. Nuk dua të flas për subjekte politike, por “vrasjet politike” gjithmonë ri aktualizohen vetëm në kohë të zgjedhjeve. Kryesisht janë njerëz të LDK-së këta që veprojnë kështu”, tha ai.
Fazliu thotë se Gjykata Speciale ka gjetur dëshmitarë të rrejshëm e që sipas tij ajo “duke sulmuar luftën e UÇK-së u sulmua shtetësia e Kosovës”, tha ai në emisionin Debat Plus,
Anëtari i Kryesisë së Shoqatës së Invalidëve të Luftës së UÇK-së ka thënë se edhe në të ardhmen do të tentohet që UÇK-ja të cilësohet “organizatë terroriste”.
