Eksperti amerikan për Ballkanin, njëherit profesor, Alon Ben Meir, ka komentuar propozimin për ndryshimin e emërtimit të Liqenit të Ujmani në Liqenin e Presidentit Tumpit.
Alon Ben Meir, këtë reagim e bëri pasi që Kryeministri i Kosovës, Avdullah Hoti e mbështeti një gjë të tillë, të propozuar nga i dërguari i Posaçëm i Presidentit amerikan, Richard Grenell.
Eksperti amerikan tha se Hoti duhet të ndihet i turpëruar që ka lejuar Trumpin ta manipuloj deri në këtë shkallë. Ai tha se një veprim i tillë çnderon shtetin e Kosovës.
Ai gjithashtu kërkoi nga shqiptarët e Kosovës ta refuzojnë vendimin e gabuar të Hotit për të riemërtuar Liqenin ose përndryshe të kërkojnë dorëheqjen e tij, përcjell “Bota sot”.
“Çdo shqiptar nga Kosova duhet të refuzojë vendimin e gabuar të Hotit për të riemërtuar Liqenin, për të mbrojtur integritetin e vendit dhe të kërkojë që Hoti ose të ndryshojë vendimin e tij ose të japë dorëheqjen”, deklaroi Ben Meir.
