4 persona janë plagosur në një sulm me thikë në afërsi të zyrave të revistës satirike “Charlie Hebdo” në Paris, ka njoftuar policia franceze.
Siç raporton Associated Press, në vendin e ngjarjes kanë dalë një numër i madh i policëve në pjesën lindore të Parisit, në afërsi të stacionit të metrosë Richard Lenoir.
Kordoni i policisë është vërejtur, ku gjithashtu është raportuar se një pako e dyshimtë është parë në afërsi të vendit ku ka ndodhur sulmi.
Në anën tjetër, policia ka njoftuar se ka arrestuar të dyshuarin, e burime të Reuters kanë bërë të ditur se dy nga viktimat janë në rrezik për jetë, , shkruan Sky News.
Kujtojmë që një grup ekstremistësh radikal patën sulmuar zyrat e “Charlie Hedbo” në vitin 2015, ku humbën jetën 12 persona, transmeton Telegrafi.
Ende nuk dihen motivet e këtij sulmi apo nëse mund të ketë ndonjë lidhje me “Charlie Hebdo”, që ka vazhduar aktivitetin në një pjesë tjetër të qytetit francez.
