Faton Klinaku, sekretar në OVL-UÇK, ka thënë se zyrat e tyre janë mbushur plot me njësinë e EULEX-it.
Ai ka thënë se brenda në zyrë gjendet kryetari i OVL-UÇK, Hysni Gucati të cilin sipas tij EULEX-i nuk e kanë lënë të dalë jashtë.
Klinaku ka thënë po ashtu se ka provuar ta thërras në telefon por si duket njësia që po kryen aksionin nuk e ka lejuar të flasë as në telefon, përcjell Insajderi.
“Isha duke pi kafe zë zyrë dhe pashë korridorin e mbushur me plot këta zotëri që janë konsultu edhe me shtetin dhe me ta është edhe hetuesi i dhomave të specializuara. Ju thash jeniu ka veproni si në kohën e Jugosllavisë mirëpo atyre është dasht me ju kundërpërgjigj. Janë duke kontrollu të gjitha zyrat, kryetari nuk po përgjigjet në telefon është ende brenda. Me siguri nuk po e lejojnë”, ka thënë Klinaku.
