Zemaj jep lajmin e mirë për lakoren e pacientëve me koronavirus

Ministri i Shëndetësisë, Armend Zemaj ka vizituar sot komunën e Junikut ku është pritur nga kryetari i kësaj komune, Agron Kuçi, përcjell InLajmi.

Gjatë këtij takimi është diskutuar për situatën me COVID-19, ku Zemaj ka thënë se lakorja e rasteve të vdekjeve dhe pacientëve të infektuar me COVID-19 brenda 24 orëve ka rënë në zero.

Postimi i plotë i tij:

Lakorja e rasteve të vdekjeve të pacientëve të infektuar me Covid 19 brenda 24 orëve, në vend, ka rënë në zero.
Puna e përkushtimi maksimal duhet të vazhdoj tutje.
Përkitazi rreth situatës epidemiologjike, respektimin e masave parandaluese, rritjen e kapaciteteve në shëndetësinë, si dhe menaxhimin e mëtejmë të situatës së shkaktuar nga Covid-19, bidesuam sot me kryetarin e Junikut, z. Agron Kuçi gjatë vizitës që i bëmë kësaj komune.
Vizitova edhe QKMF-në e kësaj komune, ku nga afër pashë shërbimet që ofrohen për kujdesin shëndetësor.
Do të ofrohet mbështetja për ta fuqizuar shëndetësinë primare në Junik, duke iu dhënë hapësirë disa mjekëve që do ndjekin specializimet për Mjekësi familjare she Biokimi klinike.
Së shpejti do ndërmarrin edhe veprime të tjera në rritjen e kapaciteteve të infrastrukturës dhe pajisjeve që të ngritët cilësia e shërbimeve shëndetësore.
I falënderova mjekët dhe stafin shëndetësor për punën që po e bëjnë në këtë kohë të pandemisë.
Në këto takime, ishte i pranishëm edhe Ruzhdi Shehu, përfaqësues junikas dhe zyrtar i lartë në Ministrinë e Tregtisë dhe Industrisë./InLajmi/