Disa serbë që jetojnë në veri të Kosovës, kanë vendosur dy banera me emrin e presidentit amerikan Donald Trump në një digë dhe urë të Ujmanit.
Siç shihen në dy foto të publikuara nga mediat, banerat me emrin e Trump janë vendosur në urën e Bërnjakut dhe në digën e Ujmanit në Malo Jezero.
Emrat e vendosur në këta banera janë “Lake Trump” dhe “Trump Bridge”.
Ndërkohë, kjo ide është thënë me humor nga emisari special Richard Grenell, i cili e ka bërë të ditur vetë këtë. Siç ka thënë ai, në takimin e Uashingtonit më 4 shtator, u kishte thënë palëve që Ujmanin ta quajnë “Trump”, përcjell Jepi Zë.
Por, në Kosovë kjo gjë nuk ishte pritur mirë. Nga opozita është quajtur indicie për qëllime mbi pronësinë e Ujmanit.
