Ruga “Bill Clinton” në Prishtinë po vazhdon të jetë e bllokuar nga Policia e Kosovës. Kjo për shkak se nga policia u tha se aty është gjetur një valixhe e dyshimtë.
Se për çfarë valixhe bëhet fjalë ende nuk është bërë e ditur nga policia, por zëdhënësja e Policisë së Kosovës për Rajonin e Prishtinës, Flora Ahmeti, tha se ata u njoftuan për trastin që nga ora 10:30, përcjell FaktePlus.
“Rreth orës 10:30,kemi pranuar një informacion se në rrugën ‘Bill Kllinton’ ndodhet një valixhe e dyshimtë. Aktualisht në vendin e ngjarjes janë ekipet e nevojshme policore. Një pjesë e rrugës ‘Bill Kllinton’ është ndaluar për qarkullim, do të lirohet pas përfundimit të ekzaminimit të vendit të ngjarjes, kur edhe do të njoftoheni edhe për detaje të tjera”, ka thënë Ahmeti.
