Nesër pritet të lehtësohen masat me rekomandimin e Komitetit për Menaxhimin e Pandemisë, ka thënë sot Vesel Krasniqi, ministër i Tregtisë dhe Industrisë, përcjell InLajmi.
Ai ka pritur edhe sot në takim drejtuesit e Shoqatës së Gastronomëve të Kosovës me të cilët kanë diskutuar për problemet e këtij sektori dhe mundësinë e lehtësimit të masave.
Postimi i plotë i tij:
Kam pritur edhe sot në takim drejtuesit e Shoqatës së Gastronomëve të Kosovës me të cilët kemi diskutuar për problemet e këtij sektori dhe mundësinë e lehtësimit të masave.
Gastronomet edhe një herë kërkuan që të lejohet shërbimi brenda, duke u respektuar masat në lokale dhe të hiqet kufizimi i orarit që aktualisht është në fuqi.
Si ministër ofrova përkrahjen time të plotë për këtë sektor, shumë të goditur për shkak të pandemisë dhe i njoftova se nesër do të jetë mbledhja e komitetit ndërministror kur do të shqyrtohen masat anti-Covid të cilat priten të lehtësohen./InLajmi/
