Ka humbur jetën Besart Rama, anëtar i Nismës Socialdemokrate, lajmin e ka bërë të ditur Endrit Zabërgja, sekretar për Rininë në këtë parti, përcjell InLajmi.
Ai përmes një postimi në Facebook ka shprehur dhimbjen e thellë për vdekjen e Besartit, ndërsa ka shtuar se do ta kujtojnë gjithmonë si shembull të djalit punëtor e të sinqertë.
“Besarti ishte bashkëpunëtor i imi që nga themelimi i rinisë së Nismës, ai gjithmonë ishte i hareshëm, pozitiv, plot vullnet dhe ambicie. Besartin do ta kujtojmë gjithmonë si shembull të djalit punëtor e të sinqertë. Ngushëllime familjes dhe gjithë atyre që e njohën! Do jetosh gjithmonë në zemrat dhe kujtimet tona Besart!”, ka shkruar ndër të tjera Zabërgja./InLajmi/
