Në Shqipëri u organizua konkursi i bukurisë “Miss Universe Albania & Kosova”.
Në këtë event u zgjodh edhe vajza që do ta përfaqësojë Kosovën në “Miss Universe”, ku këtë herë kurorën e më të bukurës e mori, Blerta Veseli.
Gara mes vajzave ishte e ngushtë, ndërsa garën e fitoi Blerta dhe e pranoi kurorën nga Fatbardha Hoxha, e cila vitin e kaluar e kishte fituar këtë garë.
“Miss Universe Kosovo 2020 ??. Krenare që do të përfaqësoj vendin tim në Miss Universe 2020. Shumë falenderime për dashurinë e madhe dhe përkrahjen që më keni dhënë”, ka shkruar Blerta në një postim pas përfundimit të eventit.
Për shkak të situatës së krijuar nga pandemia COVID-19, gara “Miss Universe 2020” do të zhvillohet vitin e ardhshëm.
