Emisari Special i presidentit amerikan për dialogun Richard Grenell tha se është gjithmonë e sigurt që Albin Kurti do të jetë kundër SHBA-ve.
Madje, ai në një cicërime të para disa ditëve në Twitter tha se Kurti ka qenë kundër ideve të dy paraardhësve të Donald Trump – Barack Obama dhe George Bush.
Këtë konstatim të Grenell e ka cilësuar të pabazë dhe pa argumente nënkryetari i Lëvizjes Vetëvendosje Glauk Konjufca.
Ai në Rubikon të Klan Kosovës tha se nuk mund të thuhet se Albin Kurti ka qenë kundër George Bushit dhe Barack Obamës vetëm pse ai dhe partia e tij e kanë kritikuar Planin e Ahtisaarit dhe Zajednicën – që kanë ndodhur në periudhën respektive të qeverisjes së tyre.
“A ka një argument qysh Albin Kurti është kundër [Barack] Obamës? [Richard] Grenell nuk e ka asnjë argument. A mund ta gjejë një deklaratë të Albin Kurtit që është kundër Barack Obamës?”.
“Vetëvendosja është kundër vegëzave që ia vendos Plani i Ahtisaarit shtetit të Kosovës dhe e kritikon Planin e Ahtisaarit nga ky dimension – zonat eksterritoriale, gjashtë komuna të reja serbe, si dhe e drejtë e vetos në Kushtetutë të Kosovës dhe në Parlament. Këto janë gabim dhe Vetëvendosja e ka kritikuar.Tash nëse [Richard] Grenell thotë pse Vetëvendosja i ka këto kritika është kundër [George] Bushit është kot, është palidhje krejt – është keqpërdorim, bile. Qysh Vetevëndosja kundër George Bushit? Ccfarë argumenti ki që Vetëvendosja ëhstë kundër [George] Bushit?”
“Vetëvendosja është kundër Zajednicës, derisa Grenell po thotë që Zajednica është ide e Obamës që është absolutisht e pavërtetë. Nëse Grenell përmes këtij argumentimi logjik po thotë që Albin Kurti ka qenë kundër Obamës, sepse Obama në 2015 ka qenë për Zajednicën a e di pse e ka gabim? Pjesa për Zajednicën në pikën 15 thotë që Kosova duhet ta ccojë në Gjykatë Kushtetutese edhe Kosova e ka ccuar në Gjykatë Kushtetuese ku edhe është rrëzuar Zajednica. Qysh koka Vetëvendosja kundër Obamës?”.
