Pak ditë pas kthimit nga Turqia për në Kosovë, ku edhe qëndroi për disa muaj në trajtim, polici i Kosovës, Artur Mrasori u takua me mjekun e syve, Florim Zejnullahun që kishte intervenuar pas lëndimit që kishte marrë Mrasori në aksionin policor në një shtëpi në Zhur të Prizrenit, përcjell InLajmi.
Këtë e ka bërë të ditur përmes Facebook-ut, mjeku Zejnullahu që ka publikuar edhe fotografi me policin Mrasori.
Postimi i plotëi tij:
“Sot pata një takim të veçant, me një njeri të veçant që do ta kujtoj tërë jeten. Me policin Artur Mrasorin të cilin e operova në fillim të këtij viti. Ai ma zgjati dorën edhe kur unë e bëra grusht për ta përshëndetur. Ai me saktësi më goditi dorën. Ai po sheh dhe vazhdon jetën normalisht”, ka shkruar ai /InLajmi/
