Një kërkim masiv ka filluar për një person i cili është arratisur pasi kishte qëlluar me armë dy policë të Los Angeles, të cilët po luftojnë për jetë në një spital në Compton.
Gjithçka ndodhi në afërsi të stacionit të metrosë në Compton, ku ngjante më shumë me një pritë – ku sulmuesi i qëllon me armë në kokë policët që ishin brenda veturës
Kamerat e sigurisë të vendosura në shtyllat elektrike, shfaqin të dyshuarin duke i qëlluar me armë policët brenda një veture patrulluese.
Bëhet fjalë për një burrë të veshur me rroba me ngjyrë të zezë që i afrohet veturës, në afërsi të stacionit të metrosë dhe shtie disa herë mbi ta.
Ai më pas largohet nga vendi i ngjarjes sikur të mos kishte ndodhur asgjë. Që të dy policët kanë marrë plagë të shumta dhe për t’i shpëtuar më të keqes, janë detyruar t’i nënshtrohen ndërhyrjeve kirurgjike, transmeton Telegrafi.
“Ishte një veprim qyqar. Dy policët po kryenin punën e tyre, duke shikuar punën e tyre dhe kujdesur për sigurinë e qytetarëve në trena”, ka deklaruar sherifi Alex Villanueva.
LAST NIGHT: Two LA County Sheriff Deputies were ambushed in Compton. Both in critical condition. This shooting comes 2 weeks after the LA County Sheriff involved shooting of Dijon Kizzee. #hoodsite #lastnight #sheriffdeputies pic.twitter.com/HYlGNpOf3K
— Gore Only (@HoodSites) September 13, 2020