Qytetarët në Prishtinë tash e një kohë janë të shqetësuar nga qentë e shumtë endacak. E, në kohët e fundit janë raportuar edhe raste kur qytetarët janë sulmuar nga qentë endacakë, pavarësisht këtyre rasteve, Komuna e Prishtinës deri tani nuk ka ndërmarrë asnjë veprim.
Së fundmi, nga qentë endacak është sulmuar edhe një fëmijë 12-vjeç
Vlora Konushevci, një banore e Prishtinës ka bërë të ditur se gjatë ditës së sotme është sulmuar djali i saj dhe se për këtë ai ka marrë trajtim mjekësor.
Konushevci në shkrimin e bërë ka kërkuar nga qytetarët të cilët kanë pasur përvoja të tilla me qentë, ta kontaktojnë atë dhe ta padisin Komunën e Prishtinës
“Sot, në orën 11:15, edhe djali im 12 vjeç është sulmuar nga qentë endacak. Njëri prej tyre e ka kafshuar për të cilën gjë është dashur trajtimi mjekësor. Djali ka qenë veç vet duke u kthyer prej ushtrimeve në rrugën C. Fati i tij që ishte mesi i ditës dhe disa punëtorë të ndërtimtarisë i kanë dalë në ndihmë, duke shpëtuar nga lëndimet më të mëdha fizike, teksa për pasojat psikike s’po flasë”, ka shkruar ajo, , transmeton Telegrafi.
Për më shumë, reagimi i plotë:
“Unë s’kam nevojë për alarm! Gjumin ma nxjerrin hungërimat e llavës së qenve endacak, agresivë dhe të shumtë në numër.
“Shihni plagët e 9 vjeçares që u sulmua nga qentë endacak”, “Një punëtorë i “Pastrimit” sulmohet nga qentë endacak”, “Qentë endacak sulmojnë dy qytetarë në shesin “Zahir Pajaziti”, “Sulmohet nga qentë endacakë dhe merr lëndime trupore – Komuna e Prishtinës nuk ia mori parasysh ankesën”, “Qentë endacakë uzurpojnë Prishtinën”.
