Ish-kryetari i Kuvendit të Kosovës, Jakup Krasniqi, e ka quajtur fat të keq që Hashim Thaçi ka qenë kryeministër.
Sipas tij, Kosova ka bërë gabim strategjik kur kishte pranuar që nga dialogu teknik të kalohej në atë politik.
Ai ka treguar se arsyetimi për këtë ishte pasi një gjë të tillë po e kërkojnë ndërkombëtarët.
“Arsyetimi ka qenë ky: që po kalojmë në bisedime politike se po e kërkon Brukseli edhe Washingtoni. Në mes tjerash i pata thënë, më vonë edhe publikisht. Brukseli e Washingtoni, nëse ne duam të bëhemi pjesë e Serbisë, ata na mbështesin. S’kanë asnjë kundërshtim. Nëse ne tranohemi e luajmë prej mendjeve dhe bëjmë një akt të tillë atëherë nuk na kundërshton as Brukseli e as Washingtoni. Por, nuk bën të fillohet bisedimet politike”, ka thënë Krasniqi.
Ai tutje ka shtuar se nuk e kanë ditur as përmbajtjen e dokumentit i cili ishte sjellë për votim.
