Deputetja Mimoza Kusari-Lila, ka shpërndarë në Facebook një video të shkëputur nga seanca e Kuvendit e qershorit të këtij viti, ku kryeministri Avdullah Hoti deklaronte se nuk do t’i ndryshojë qëndrimet lidhur me Mini-Shengin, përcjell InLajmi.
Ajo thotë se Hoti çdo dy muaj po i ndryshon qëndrimet, duke vepruar diametralisht në anën e kundërt të asaj çfarë ka deklaruar më pare.
Kusari-Lila ka hedhur kritika të ashpra ndaj kryeministrit Hotit, duke e quajtur jokredibil, për shkak të deklaratave të tij.
Postimi i saji plotë:
Shenzheni e mijëra vende të punës humbën, mini-shengeni u nënshkrua me bindjen se duhet të realizohet.
Kaq për kredibilitetin e Avdullah Hoti për fjalën e tij të folur dhe qëndrimet e tij publike për çështje të interesit shtetëror.
Diskutimi i mëposhtëm daton nga Qershori 2020 dhe ishte përcjellë me përqeshje nga përfaqësuesit e Qeverisë se si nuk e kuptoj termin Shen-Zhen, ndërsa të pyetur për Mini – Schengen, ata deklaruan as nuk bëhet fjalë dhe as nuk do të diksutohet në bisedime me Beogradin.
Në shtator 2020 u vendos firma në një dokument unilateral ku pranohet Mini-schengeni.
Sipas praktikës së deritashme, çdo dy muaj Avdullah Hoti ndryshon qëndrimet e tij, duke vepruar diametralisht në anën e kundërt të asaj çfarë ka deklaruar më parë.
Më mirë të isha unë e gabuar në Qershor se sa të jemi si shtet të mashtruar nga ata që pretendojnë të na udhëheqin pa legjitimitet.
https://www.facebook.com/mimozakusari/posts/10157077947885916?__cft__[0]=AZW4lV9P_nhMStZiZ-SUf5yNKdCkXpLX14GTnc19z_rGP7QTQR4s5ltCWRtWDnt91WcxGQzLR2cYwmCDy3Up41nNAGIVC5snvMJmjWpIHxJfI-pWg9q7kakz23NSpTj8LbYOgFrjX0TEJIaXPxkxvDACBD0BShSgkxmi3HHOWojREeJkaaxMch1WqhiPV41g1RA&__tn__=%2CO%2CP-R
