Ish Ministrja për Dialog, Edita Tahiri, ka thënë se njohja e Kosovës nga Izraeli është një ngjarje historike.
Tahiri tha se shteti mori një fuqizim të madh në planin ndërkombëtar.
“Duke marrë parasysh se Izraeli është një fuqi botërore me ndikime të mëdha në marrëdhëniet ndërkombëtare. Falënderime të përzemërta për Kryeministrin Netanjahu, Izraelin dhe popullin hebrenj me të cilët na lidh një histori e ngjashme tragjike”, tha ajo.
Tahiri shprehi mirënjohje presidentit Trump që sipas saj bëri të mundur këtë njohje me rëndësi të veçantë për paqen në rajon dhe gjeopolitikën perëndimore.
“Jemi duke brohoritur nga gëzimi së bashku me shokët e mi të studimeve në Universitetin e Harvardit dhe shumë miq tjerë izraelit që patën simpati e mbështetje të vazhdueshme që kjo njohje historike të ndodh”, tha Tahiri, njofton Telegrafi.
