Presidenti amerikan, Donald Trump, i ka dërguar një letër kryeministrit Avdullah Hoti pasi nënshkrimit të marrëveshjes me Serbinë.
Ndër të tjera, Trump e quan trimëri nënshkrimin e kryeministrit Hoti në marrëveshjen me palën serbe, shkruan Reporteri.net.
“Shtetet e Bashkuara kishin kënaqësinë që t’iu presin juve në Shtëpinë e Bardhë këtë javë. E duartrokas guximin tuaj për të bërë progres në normalizimin e marrëdhënieve mes Kosovës e Serbisë”, ka shkruar ai.
Sipas letrës së Trump, marrëveshja e sotme është një hap i rëndësishëm drejt arritjes së paqes afatgjate në Ballkan.
“SHBA kanë qenë partner i palëkundur i Kosovës që nga fillimi dhe ne besojmë se negociatat e zhvilluara në Shtëpinë e Bardhë, përfaqësojnë një përparim diplomatik historik. Pas më shumë se 20 vitesh progres të kufizuar, ne besojmë që marrëveshja për normalizimi ekonomik i arritur këtu është thelbësor për të siguruar një paqen dhe stabilitetin afatgjatë në Ballkan”, thuhet tutje në letër.
I pari i Amerikës e ka përgëzuar kryeministrin Hoti edhe për vendosjen e marrëdhënieve diplomatike me Izraelin, e cila gjë solli më pas edhe njohjen e Kosovës nga ky shtet.
“Përveç kësaj, ne e përshëndesim vendimin tuaj të guximshëm për normalizimin e marrëdhënieve diplomatike me Izraelin. Ky është një hap shumë i rëndësishëm aleancat e Kosovës në Lindjen e Mesme dhe ne shpresojmë që të vazhdojmë partneritetin me juve”, përfundon letra e Trump drejtuar Hotit.
Ndryshe, presidenti Trump ka paralajmëruar se në një periudhë jo të largët do ta vizitojë Kosovën
