Presidenti i Kosovës Hashim Thaçi në Ditën Ndërkombëtare të të Zhdukurve ka kujtuar 1647 qytetarët tanë të pagjetur, përcjell InLajmi.
Thaçi ka thënë se çështja e të pagjeturve është turpi i bashkësisë ndërkombëtare dhe është për keqardhje që Serbia po e politizon edhe zbardhjen e fatit të tyre.
Ai ka shtuar se Bashkësia ndërkombëtare duhet t’i shfrytëzojë të gjitha mjetet që ka në dispozicion për t’i bërë presion Serbisë dhe për ta zbardhur fatin e të pagjeturve dhe çdo krim të kryer në Kosovë.
Presidenti thaçi është zotuar se nuk do të ndalet asnjëherë së kërkuari që të zbardhet fati i tyre. Nuk do të ndalemi asnjëherë së kërkuari drejtësi për çdo viktimë, për çdo të zhdukur, për çdo familje. /InLajmi/
