Rreth 25 mijë konsumatorë përfshire Prishtinën dhe një pjesë të Fushë Kosovës do të mbesin pa rrymë për disa orë këtë të diele.
Për të mundësuar realizimin e punimeve në kuadër të projekteve zhvillimore të KOSTT, kjo ndermarrje publike ka njoftuar se me datë 30 gusht 2020 nga ora 04:00 deri në ora 14:00 do të bëhet shkyçja e transformatorit energjetik TR1 110/35/10 kV në Nënstacionin 110/35/10 kV Prishtina 1.
“Shkyçja është e nevojshme për krijimin e kushteve të sigurisë në punë gjatë kyçjes së trafofushës së re 10 kV në kuadër të projektit për montimin e kthinës së re dhe kabllove 10 kV në transformatorin TR 1.Gjatë kohës së lartcekur, qytetarët/institucionet që furnizohen nga ky transformator (ana 10 kV) do të mbesin pa furnizim me energji elektrike (redukimi i parashikuar 12 MW). Punimet në fjalë, do të ndikojnë në rritjen e sigurisë dhe besueshmërisë së operimit të Sistemit të Transmetimit të Republikës së Kosovës”, ka njoftuar KOSTT.
KOSTT sh.a kërkon mirëkuptim nga qytetarët.
Vendet: Lagjja Kalabria (një pjesë), Preoci, Llapnasella, Spitali i Zemres EDA, Medicine Hospital, HIB Petroll, Hotel Emerald, EBC Cosmetic, Ambasada Amerikane, Fabrika Amortizatorët, Jumko, Zona Industriale- një pjesë, KFOR-i Hungarez, Spitali Medikus, Tregu me Shumice,Betonjerka, Ministria e FSK-se, Narteli, Banesat e Exclusive, Banesat Konaku, Eulex-i, Aragoniti, Fakulteti i Bujqesise, Elkos, Hiberna FM, Karabinierët Italian, Gazeta Kosova Sot, UNMIK-u, Ylli Bec, PTK , Bercom, Simetronix, Agani, Emajliku, Universiteti AAB, Agron Gashi “Fabrika e Xhamit, Shtypshkronja Dinor, Buçaj, Rekalit, Komuna objekti i Ri, Dogana, Kazerma Adem Jashari, Prroni i Njelmët, Mekanika, kontigjenti Portugez i KFOR-it, MAP-AKI, Ambasada Amerikane dhe ENK invest grup.
