Skuadra e KB Rahovecit dje u përball me një situatë jo të zakonshme, ku bordit i klubit të basketbollit rahovecas dha dorëheqje, përcjell InLajmi.
Kjo dorëheqje e bordit të klubit erdhi, pasi nuk kishin përmbushur obligimet e nevojshme financiare.
Pas kësaj ngjarje, ka reaguar kapiteni i KB Rahovecit, Bardh Rexha, i bën thirrje kryetarit të Komunës së Rahovecit, Smajl Latifajt që të merret me këtë çështje.
Kapiteni i KB Rahovecit i thotë ndër të tjera edhe këto fjalë emocionuese “Ka muaj që me djemt tjerë, Visarin, Altinin, Indritin, Ahmetin etj, po bëhemi gati për sezonin e ri – dhe kështu ua bëj të gjithëve me dije se sa të jem unë dhe shokët e mi gjallë KB Rahoveci nuk do jetë vet dhe jemi në gjendje të luajmë për klubin tonë në çdo formë që kërkohet dhe të vdesim në parket!”
Postimi i plotë i Rexhës:
“DEKLARATË PËR QYTETIN
Me shqetësim kam marrë njoftimet në rrjetet sociale dhe nga shokët e mi për zhvillimet e fundit që kanë çuar në dorëheqjen e bordit të KB Rahoveci.
Sipas informatave që kam deri në këtë moment, kjo dorëheqje vjen pasi kryetari i komunës së Rahovecit, Smajl Latifi, nuk mbajti fjalën për shumën financiare për të mbështetur klubin, gjë që ka pamundësuar fillimin e sezonit të ri.
I bëj thirrje kryetarit të komunës, Smajl Latifi, si kapiten i ekipit, si shok e za i qindra talentëve dhe gjithë rinisë e qytetit që mezi presin lojërat e klubit – që sa më shpejt të reagojë dhe të ofrojë mbështetjen e zotuar financiare dhe bordi i dorëhequr të kthehet në funksionet e mëparshme. KB Rahoveci s’ka kohë për të humbur!
Ka muaj që me djemt tjerë, Visarin, Altinin, Indritin, Ahmetin etj, po bëhemi gati për sezonin e ri – dhe kështu ua bëj të gjithëve me dije se sa të jem unë dhe shokët e mi gjallë KB Rahoveci nuk do jetë vet dhe jemi në gjendje të luajmë për klubin tonë në çdo formë që kërkohet dhe të vdesim në parket!
I bëj thirrje kryetarit Smajl Latifi që deri në fillim të javës tjetër të takohet me kryetarin e klubit Alban Rama dhe të bëhen përgatitjet për sezonin e ri – në të kundërtën do të ketë reagim të madh qytetar, gjë me të cilën s’duam të humbim kohë.
Na lejoni të ëndërrojmë, kemi punë pa kry – trofe në Rahovec me pru! Bardhi Rexha,Kapiten i KB Rahovecit”./InLajmi/
