Kryetari i Komunës së Obiliqit, Xhafer Gashi ka bërë të ditur se kanë liruar nga taksa komunale bizneset që nuk kanë punuar gjatë pandemisë, përcjell InLajmi.
Gashi ka thënë se për këtë vendim është konfirmuar ligjshmëria edhe nga ana e Ministrisë së Financave,
Kreu i Obiliqit tutje ka thënë se kanë hapur shpalljen në subvencionimin e nënave vetushqyese dhe grave në biznes, dhe që shumë shpejt komisionit për vlerësimin e aplikantëve do të bëjnë shpalljen e përfituesve.
Postimi i plotë:
Të nderuar qytetarë,
Të nderuara biznese,
Kam kënaqësinë të ju njoftoj se Vendimi për lirimin nga taksa komunale për bizneset që nuk kanë punuar gjatë pandemisë Covid-19 për vitin 2020, i inicuar me kërkesën time në Kuvendin Komunal dhe aprovuar nga ana e asamblese komunale, është konfirmuar ligjshmëria e tij nga ana e Ministrisë së Financave, në kuadër të këtij vendimi për lirimin nga taksa komunale përfshihen mbi 250 biznese, totali i shumës së parallogaritur është 39.070.00€.
Aprovimi i këtij vendimi, dëshmon se tejkalimi i kësaj situate është angazhimi i jonë i përbashkët. Ne, po ashtu, kemi hapur shpalljen në subvencionimin e nënave vetushqyese dhe grave në biznes, që shumë shpejt komisionet për vlerësim e aplikanteve do të bëjnë shpalljen e përfitueseve. Jam i përkushtuar në përkrahjen e seciles kategori të shoqërisë dhe kjo do të ndodhë në vazhdimësi!
Vazhdojmë bashkë!
Xhafer Gashi /InLajmi/
Bottom of Form
