Në zonën e bregdetit në Rrushkull të Durrësit pasditen e kësaj të mërkure dy persona, babë e bijë, janë mbytur në rrethana ende të paqarta.
Policia e Shqipërisë tha se rreth orës 18:00 shtetasi Dh.B., 44 vjeç dhe vajza e tij 9 vjeçe M.B janë futur për tu larë në det.
Gjatë qëndrimit në ujë ka ndërruar jetë 44 vjeçari, ndërsa e mitura është dërguar në spital ku ka gjetur vdekjen pas disa minutash nën kujdesin e mjekëve.
Grupi hetimor dhe shërbimet e policisë shkuan në vendngjarje dhe po punojnë për zbardhjen e rrethanave në të cilat u mbytën babë e bijë, përcjell OraNews.
Informacioni paraprak i policisë
Më datë 26.08.2020, rreth orës 18:00, në Rrushkull, Durrës, shtetasi Dh.B., 44 vjeç dhe shtetësja e mitur M.B., 9 vjeçe, (baba dhe vajzë), dyshohet se janë futur duke u larë në det, e për pasojë ka ndërruar jetë shtetasi Dh.B., ndërsa shtetësja M.B., ndodhet në spital nën kujdesin e mjekëve.
Grupi hetimor dhe shërbimet e Policisë, ndodhen në vendngjarje dhe po punojnë për zbardhjen e rrethanave të ngjarjes.
