Të gjithë e kemi pyetur veten se pse duhanpirësit nuk heqin dorë lehtë nga duhani, ndonëse janë të ndërgjegjshëm që ky zakon nuk është i mirë për shëndetin e tyre.
Tre janë përgjigjet kryesore për këtë pyetje:
1. Varësia nga nikotina
2. Zakoni i duhanpirjes
3. Lidhja emocionale që krijohet me duhanpirjen
Fagerstrom Test është një testim i thjesht që mund të zhvillohet për të zbuluar varësinë qe keni ndaj nikotinës. Njëkohësisht falë këtij testi mund të zbuloni dhe se cilat janë sjelljet e përditshme që ju lidhin më shumë me duhanpirjen, në mënyrë që të merrni masat e duhura nëse doni të hiqni dorë prej duhanit.
Zgjidhni përgjigjet tuaja:
Sa kohë pas zgjimit pini cigaren e parë të ditës?
Brenda 5 minutave: 3 pikë
6-30 minuta: 2 pikë
31-60 minuta: 1 pikë
Pas 60 minutave: 0 pikë
E keni të vështirë të qëndroni pa pirë cigare në vendet ku ndalohet duhani?
Po: 0 pikë
Jo: 1 pikë
Nga cila cigare e keni më të vështirë të hiqni dorë?
Cigaren e parë në mëngjes: 1 pikë
Çdo cigare tjetër: 0 pikë
Sa cigare pini gjatë ditës?
10 ose me pak: 0 pikë
11-20: 1 pikë
21-30: 2 pikë
31 ose më shumë: 3 pikë
Konsumoni më shpesh cigare gjatë mëngjesit?
Po: 1 pikë
Jo: 0 pikë
Pini cigare edhe kur jeni të sëmurë e qëndroni në shtrat për një kohë gjatë ditës?
Po: 1 pikë
Jo: 0 pikë
Rezultatet:
1-2 pikë = varësi e ulët
3-4 pikë = varësi e ulët dëri në mesatare
5-7 pikë = varësi e moderuar
8+ pikë = varësi e lartë
Sipas një vëzhgimi të bërë nga Qendra Klinike e Varësisë prej Nikotinës, në 25 vitet e fundit, në 100 persona vetëm 3-5 prej tyre mund të heqin dorë tërësisht nga duhani, ndërsa për 95 të tjerët kjo përpjekje nuk është e suksesshme.
Ekspertët pajtohen me faktin se nikotina, ndonëse krijon varësi nuk është shkaku kryesor i sëmundjeve që lidhen me pirjen e duhanit. Nikotina gjendet në sasi të vogla edhe në bimë të tjera, si dhe është e pranishme në të gjitha produktet e duhanit të të gjitha formave të tij.
Të gjithë bien dakord se është mirë që duhani të lihet sa më shpejt por nga ana tjetër, nëse nuk mundemi ta lëmë, është mirë që edhe të informohemi mbi ekzistencën e produkteve më pak të dëmshme si dhe të përpiqemi në ndryshimin e stilit të jetesës në mënyrë për të shmangur situata në të cilat jemi mësuar të pimë duhan.
Ekzistojnë pajisje elektronike si IQOS, që ngrohin duhanin. Kjo pajisje në një temperature të caktuar, shume herë më të ulët se temperatura e djegies, ngroh fije duhani duke lëshuar një avull që përmban nikotinë.
Gjithashtu alternativë tjetër e njohur është dhe përdorimi i cigareve elektronike, të cilat ngrohin nikotinën e lëngshme që gjendet në kapsula dhe gjenerojnë avull me nikotinë.
Duke mos djegur duhanin, këto alternativa nuk krijojnë tym dhe aerosolet e tyre përmbajnë 90% më pak kimikate të dëmshme në krahasim me tymin e cigares.
Gjithsesi, këto produkte nuk janë tërësisht të padëmshme, për sa kohë përmbajnë nikotinë që krijon varësi edhe pse nuk është shkaktare e sëmundjeve të lidhura me duhanpirjen.
