UEFA ka vendosur që të ndeshja mes Lincoln Red Imps dhe Prishtinës të zhvillohet në një orar tjetër dhe brenda kësaj jave.
Lajmi është bërë i ditur nga faqja zyrtare e klubit të Prishtinës, ku është bërë e ditur se Prishtina në këtë ndeshje duhet të prezantohet me një skuadër komplet tjetër.
“Pas argumentit të shpalosur të FC Prishtina, UEFA ka dhënë vendimin e saj që ndeshja duhet të zhvillohet. Prishtina do të përfaqësohet me skuadër tjetër dhe me jo pjesëmarrës që ishin në Gjibraltar.
FC Prishtina publikisht falënderon skuadrat e Feronikelit, Llapit, Trepçës ’89, Flamurtarit, Ballkanit, Drenicës dhe Vushtrrisë që në mënyrë urgjente i kanë dal në ndihmë Prishtinës.
Prishtina që nga pranimi në UEFA iu ka gëzuar çdo rezultati pozitiv të skuadrave tona në arenën ndërkombëtare, sepse suksesi në Evropë ndihmon të gjithë futbollin kosovar.
Prishtina me përulje iu falënderon!
Përndryshe, FC Prishtina po lufton që ndeshjen të shtyj për të shtunën më 22 gusht dhe jo të premten më 21 gusht siç kanë vendosur vendasit e Lincoln.
FC Prishtina do të testojë të gjithë ekspeditën duke mos ia lënë asgjë rastit, transmton Gazeta Metro.
Shpresojmë të na ecën fati dhe mos të kemi shqetësime më me të infektuar” – thuhet në njoftimin e klubit kryeqytetas.
