Paris Saint-Germain është kualifikuar në finale të Ligës së Kampionëve për herë të parë në histori të klubit. Ata kanë mposhtur me rezultat 3-0 skuadrën tjetër të re gjermane, RB Leipzig për të kaluar në finale të Ligës së Kampionëve.
PSG nuk e ka pasur aspak problem që ta eliminojë nga Liga e Kampionëve skuadrën gjermane RB Leipzig duke e mposhtur me rezultat 3-0.
Investimet e mëdha në këtë skuadër, që janë bërë sidomos në tri vitet e fundit, kanë bërë që ato të shpaguhen pasi që Neymar me shokë ka arritur në finale të kësaj gare.
Pjesa e parë nisi totalisht në dominim të PSG të cilët edhe vinë të goli pas një ndërprerje.
Një krosim i Neymar brenda në zonë në minutën e 13, gjen mirë kokën e mbrojtësit Marquinhos i cili shënon për rezultat 1-0.
Pas goli, gjermanët tentuan të kthehen në lojë dhe patën disa kundërzbritje në sulm. Megjithatë, PSG arriti ta kontrollojë ndeshjen dhe merr përsëri inciativën në minutat e fundit të pjesës së parë.
Një gabim në mbrojtje i Leipzig shfrytëzohet mirë nga Neymar, i cili kësaj radhe asiston prapë të Di Maria e ku ky shënon golin e dytë në minutën e 42-të.
Me rezultat 2-0 skuadrat shkojnë në pushim të pjesës së parë.
Parisi e nisi pjesën e dytë aty ku e la, duke sulmuar përsëri.
Ata shënuan edhe në minutën e 56-të me anë të Juan Bernat, gol ky që do ja jepte vulën këtij takimi.
Në finale PSG do ta pret skuadrën fituese të çiftit Lyon-Bayern Munchen, ndeshje e cila zhvillohet nesër, transmeton Gazeta Express.
Finalja e Ligës së Kampionëve do të zhvillohet të dielën.
