Zyra Federale e Shëndetit Publik (BAG) ka rishikuar listën e karantinës kryesisht atë të vendeve me rrezik.
Në këtë listë tashme Zvicra ka vendosur edhe Shqipërinë, e cila deri tani ishte i vetmi vend që ishte jashtë kësaj liste.
Po kështu në listën “e zezë” të Zvicrës tashmë kanë hyrë edhe ishujt Balearik, Belgjika, Malta dhe India, të cilësuara ndërkohë si zona me një rrezik të rritur të infeksionit.
Ndërkaq sipas medias së huaj, Serbia dhe Singapori janë hequr nga lista.
Kushdo që hyn në Zvicër nga këto rajone duhet të karantinohet për dhjetë ditë.
Ndryshimi do të hyjë në fuqi të enjten, 20 gusht 2020, ka njoftuar BAG të martën.
53 shtete dhe zona tani janë në listën e vendeve të rrezikut ndërsa më parë ishin vetëm 46.
Përveç destinacioneve të njohura të udhëtimit si SH.B.A, Meksika, Republika Dominikane dhe Afrika e Jugut, në këtë listë janë edhe disa vende të Evropës Lindore si Kosova, Mali i Zi, Maqedonia e Veriut dhe Bosnja dhe Hercegovina.
Spanja kontinentale është shtuar në listë në 8 gusht. Ishujt Kanarie nuk figurojnë në të, përcjell ABCnews.
Lista e plotë e “Karantinës”:
-Shqipëria, Andorra, Argjentina, Armenia, Aruba, Bahamas, Bahrain, Belgjika, Belize, Palestina, Bolivia, Bosnja dhe Hercegovina, Brazili, Cabo Verde, Kili, Costa Rica, Republika Dominikane, Ekuadori, El Salvadori, Esëatini (Sëasiland), Ishujt Faroe, Gjibraltari, Guam, Guatemala, Honduras, India, Iraku, Izraeli, Kazakistani, Katari, Kirgisistani, Kolumbia, Kosova, Kuvajti, Luksemburgu, Maledivet, Malta, Mekika, Moldavia, Monaco, Mali i Zi, Namibia, Maqedonia e Veiut, Omani, Panama, Peruja, Rumaniea, Sint Maarten, Spanja inkl. Balearet (pa Kanaren), Afrika e Jugut, Surinami, Ishujt Turks- Caicos, SHBA (përfshirë Puerto Rico dhe US Virgin Islands).
