Mnistrja e Financave Hykmete Bajrami ka bërë të ditur se sot janë ekzekutuar pagesat për masë 15, për përfituesit e nga 170 eurove nga Pakoja Emergjente, përcjell InLajmi.
Bajrami tregon se është bërë ekzekutimi nga Thesari edhe i 80,199 pagesave për përfituesit e masës 3a, prej të cilëve 3,369 mijë persona marrin pagesë të dyfishtë, ngaqë nuk kanë përfituar herën e parë.
Sipas Ministres së Financave pagesat e pakos emergjente janë strukturuar dhe do të kryhen në dy ditët në vazhdim.
Postimi i plotë i saj:
Ministria e Financave njofton për ekzekutimin e pagesave për përfituesit e masës 3a (170€)
Sot pas ekzekutimit me sukses të masës 15, Ministria e Financave ka kënaqësinë që t`ju njoftoj se gjatë ditës nga Thesari janë ekzekutuar edhe 80,199 pagesa për përfituesit e masës 3a, prej të cilëve 3,369 mijë persona marrin pagesë të dyfishtë, ngaqë nuk kanë përfituar herën e parë.
Për masën 3a, mjetet mund të tërhiqen duke filluar nga sot në zyrat bankare, ndërsa pagesat e radhës do të kryhen në vazhdimësi nga nesër, në përputhje me listat të cilat pranohen nga Ministria e Ekonomisë dhe Ambientit përgjegjëse për zbatimin e masave.
Bazuar në dinamikën e paraparë të ekzekutimit të pagesave që kushtëzohen nga kapacitetet teknike por edhe zbatimi i udhëzimeve të MSH dhe IKSHPK, pagesat e pakos emergjente janë strukturuar dhe do të kryhen në dy ditët në vazhdim, për çka do të ju njoftojmë.
Ministria e Financave ju rikujton se është e nevojshme të zbatohen udhëzimet e institucioneve shëndetësore, gjatë kryerjes se veprimeve bankare për tërheqjen e mjeteve.
Hykmete N. Bajrami
Ministre
Ministria e Financave
Qeveria e Republikës së Kosovës/InLajmi/
