Deputetja e Partisë Demokratike të Kosovës, Ganimete Musliu ka kërkuar nga qeveria e Kosovës gjegjësisht nga ministria e Punës dhe Mirëqenies Sociale që të ndajë një fond për t’u dalë në mbështetje fëmijëve që janë viktimë e dhunës në familje, raporton InLajmi.
Madje nga ministri, Skënder Reçica ajo kërkoi që në planifikimin e buxhetit për vitin 2021 2021 të planifikojë buxhet për ngritjen e një institucioni ku do të mund të qëndrojnë këta fëmijë.
Musliu kërkoj që urgjentisht të ndahet një fond i lejueshëm për këta fëmijë dhe qeveria të krijoj kushte normale për jetesë nëse nuk keni mundësi dhe kapacitete që t ndërtoni institucione profesionale për trajtimin e këtyre rasteve.
Poashtu Musliu nga ministri Reçica kërkoj që në planifikimin e buxhetit për vitin 2021 të planifikoj buxhet për ngritjen e një institucioni ku do të mund të qëndrojnë fëmijët të cilët janë viktimë e dhunës familjare deri në tejkalim të traumës dhe normalizimin e gjendjes.
Kurse, ministri i Punës dhe Mirëqenies Sociale, Skënder Reçica tha se si ministri ofrojnë shërbime nëpërmjet 9 strehimore për këtë kategori të shoqërisë.
“Ministria e Punës dhe Mirëqenies Sociale në kuadër të programeve dhe shërbimeve që ofron për kategoritë të cilat u ekspozohen abuzimeve nga dhuna ose ekspozimeve të tjera të cilat kanë të bëjnë me dhunë në programet e saja ofron shërbime nëpërmjet 9 qendrave strehimoreve rajonale shërbime këto të cilat ofrohen nga OJQ dhe qendrën strehimore e cila është e lokalizuar në Prishtinë. Përveç politikave që ofron çdo vit nga buxheti i saj ndan mjete për fianncim dhe bashkëfinancimin që këto OJQ veprojnë“,tha ai./InLajmi/
