Përbërësit për petën:
– 6 vezë,
– 6 lugë sheqer,
– 6 lugë miell,
– një lugë çaji pluhur për pjekurina.
Përbërësit për fillin:
– Një kese puding vanile,
– 500ml qumësht,
– 4 lugë sheqer,
– 125gr margarinë,
– 7 lugë kokos.
Përgatitja:
Ndajmë të verdhat e vezëve nga të bardhat dhe i rrahim veq e veq me nga 3 lugë sheqer. Pastaj i bashkojmë dhe ua shtojmë përbërësit e tjerë, e përziejmë mirë dhe e hedhim në tepsi të shtruar me letër të yndyrshme.
E pjekim në temperaturë 180 gradë C rreth 15 minuta. Kur të pjeket e mbështjellim me një leckë të lagur dhe e lëmë anash që të ftohet.
Në ndërkohë përgatisim fillin:
Ziejmë pudingun me qumësht dhe sheqer si çdo puding tjetër. Pastaj i shtojmë margarinën dhe kokosin e përziejmë mirë dhe me këtë e lyejmë rolladën. Në fund sipas dëshirës mund ta dekoroni me vishnje ose banane.
