Temperatura mjaft të larta po mbretërojnë sot në rajonin tonë dhe kjo është më se normale sepse jemi në pikun e verës, por edhe më e lartë është ndjesia subjektive e nxehtësisë për shkak të lagështisë së lartë relative të ajrit.
Në Shqipëri temperatura maksimale është rreth 38 gradë C, kurse ndjesia subjektive në disa vise ka arritur deri në 47 C siç mund të shihni edhe vet në fotografinë kryesore. Temperatura mund të ngritet ende dhe të prek shifrën 40 sidomos në disa vise të Shqipërisë, kurse në disa vise në Dukagjin mund ti afrohet fare afër shifrës 40 C, përcjell MetetoBallkan.
Ashtu siç kemi theksuar në veriperëndim dhe veri të Kosovës kemi disa vranësira të zhvilluara të cilat edhe mund të kushtëzojnë ndonjë rigë apo rrebesh mjaft të lokalizuar shiu me vetëtima dhe bubullimë. Të shpresojmë në ndonjë freskim pasdite vonë në disa vise të Kosovës.
