Në bazë të statistikave të hartuara nga RIK (Robert Koch Institut) shtetasit nga Kosova që kthehen në Gjermani ditëve të kaluara kanë paraqitur numrin më të lartë të infektuarve me COVID 19, përcjell InLajmi.
E lidhur me këtë rast Ambasada e Kosovës në Gjermani ka apeluar për të gjithë shtetasit dhe bashkëkombasit që kalojnë pushimet në Kosovë, të zbatojnë masat e parapara nga Instituti Kombëtar i Shëndetësisë Publike në Republikën e Kosovës- distancë, maska, higjienë!
“Luteni që posa të ktheheni në Gjermani nga pushimet të zbatoni udhëzimet e Ministrisë Federale të Shëndetësisë dhe Ministrive të Landeve gjermane për testime në aeroporte ndërsa nëse udhëtoni me makinë apo autobusë të lajmëroheni tek Entet Shëndetësore në vendbanimet tuaja dhe të testoheni” thuhet tutje në njoftimin e Ambasadës.
Ruajeni veten sepse me këtë ruani të afërmit tuaj!/InLajmi/
