Pelegrinazhi vjetor i Haxhit që kryhet nga shumë myslimanë nga e gjithë bota po fillon në Arabinë Saudite, por me një numër të zvogëluar në mënyrë dramatike për shkak të koronavirusit.
Vizitorëve ndërkombëtarë u është ndaluar të bëjnë udhëtimin për në Mekë, duke u përpjekur që të frenohet pandemia.
Kësaj radhe priten vetëm 10,000 pelegrinë, në krahasim me rreth dy milionë që shkojnë zakonisht.
Shumica dërrmuese e besimtarëve shkojnë në Mekë dhe Medine zakonisht nga jashtë Arabisë Saudite, por këtë vit të vetmit të huaj që lejohen të marrin pjesë janë ata që banojnë në mbretëri.
Ata që e filluan kryerjen e Haxhit iu nënshtruan kontrolleve për temperaturë dhe testeve të koronavirusit.
Adhuruesit gjithashtu do të duhet të qëndrojnë në karantinë para dhe pas Haxhit. Mbajtja e maskës do të jetë e detyrueshme në çdo kohë.
Ministri për Çështjet e Pelegrinazhit Mohamed Saleh Binten tha se pelegrinët janë karantinuar në shtëpitë e tyre dhe gjithashtu katër ditë kanë qëndruar në karantinë në hotelet në Mekë, raporton agjencia e lajmeve AFP.
Mbretëria ka regjistruar më shumë se 270,000 raste me afro 3,000 vdekje, një nga përhapja më e madhe e pandemisë në Lindjen e Mesme.
