Ministri i Forcës së Sigurisë së Kosovës, Anton Quni, ka thënë se FSK-ja i kontribuon paqes në vend dhe se nuk paraqet kërcënim, raporton InLajmi.
Ai ka thënë se deklarimet e Serbisë, se ndihet e kërcënuar nga blerja e mjeteve ushtarake të FSK-së, janë pretekst në kuadër të propagandës së tyre.
Quni është shprehur se ardhja e kontingjentit të fundit për FSK-në, është në kuadër të përmbushjeve të kapaciteteve të saj, dhe assesi për të kërcënuar dikë.
Sipas tij, Kosova nuk ka pretendime territoriale ndaj askujt, dhe është Serbia ajo që ende ka pretendime ndaj Kosovës.
“Ne nuk jemi kërcënim për rajonin, por përkundrazi jemi kontribuues të paqes”.
“Kosova nuk ka pretendime territoriale ndaj askujt ndërsa, Serbia ende në Kushtetutën e vet Kosovën e paraqet si pjesë të Serbisë.
Këto janë fakte të mjaftueshme që tregojnë se ne nuk jemi faktor destabilizues”, ka thënë Quni para gazetarëve.
Ministri i FSK-së, ka thënë FSK ka për partnerë SHBA-në, ndërsa Serbia Rusinë./InLajmi/
