Komuna e Prishtinës ka regjistruar më së shumti raste të reja me koronavirus brenda 24 orëve të fundit, përcjell InLajmi.
Instituti Kombëtar i Shëndetësisë Publike të Kosovës (IKSHPK), ka bërë të ditur se brenda 24 orëve të fundit janë regjistruar edhe 239 raste të reja me koronavirus nga 401 testime sa janë bërë gjithsej.
Sipas IKSHPK-së, komuna që ka regjistruar më së shumti raste brenda 24 orëve është Prishtina, me gjithsej 82 të infektuar.
“Rastet pozitive janë nga:komuna Prishtinë 82 raste, komuna Mitrovicë 27 raste, komuna Ferizaj 24 raste, komuna Drenas 17 raste, komuna Fushë Kosovë 16 raste, komuna Podujevë 14 raste, komuna Gjilan 11 raste, komuna Lipjan 8 raste, komuna Vushtrri 5 raste, komuna Pejë 5 raste, komuna Shtime 4 raste, komuna Prizren 4 raste, komuna Kamenicë 4 raste, komuna Obiliq 4 raste, komuna Deçan 2 raste, komuna Istog 2 raste, komuna Malishevë 2 raste, komuna Suharekë 2 raste, komuna Viti 2 raste dhe me nga 1 rast komunat: Dragash, Rahovec, Skenderaj dhe Kaçanik”, thuhet në njoftimin e IKSHPK-së.
Aktualisht janë 7 mijë e 652 persona të infektuar me koronavirus, ku 192 kanë ndërruar jetë, 4 mijë e 129 janë shëruar dhe aktualisht në Kosovë janë 3 mijë e 331 raste aktive me COVID-19./InLajmi/
