Kina raportoi numrin më të madh të infeksioneve vendase me koronavirus në më shumë se katër muaj pasi luftoi kundër shpërthimit në rajonet e saj perëndimore dhe verilindore, duke ngritur frikën e një ringjalljeje serioze.
Madje, sipas mediave të huaja, rritja e rasteve është më e madhja që kur Kina mori masat e para ndaj epidemisë në mars, e cila u përqendrua në Wuhan në provincën Hubei ku virusi u shfaq për herë të parë vitin e kaluar.
Kështu, siç bëhet e ditur, nga 61 infeksione të raportuara të hënën, 57 ishin raste lokale me 41 prej tyre në Xinjiang, ku trajtimi i Kinës ndaj popullatës lokale myslimane ujgure ka qenë nën kritika globale.
Ndërsa pjesa tjetër u gjet në krahinën veri-lindore të Liaoning, me qendër në qytetin e saj Dalian, transmeton Telegrafi.
Rastet e lidhura me Dalian tashmë janë përhapur në disa qytete në të tre provincat verilindore, si dhe provincën jugore të Fujian.
