Ministria e Punëve të Brendshme dhe EUROPOL-i do të nënshkruajnë marrëveshje bashkëpunimi. Marrëveshja do të nënshkruhet nga Ministri i Punëve të Brendshme, Agim Veliu, përcjell InLajmi.
Ceremonia e nënshkrimit do të mbahet sot, më 27 korrik, duke filluar nga ora 10:00, në ambientet e objektit kryesor të MPB-së.
Në ceremoni do të marrin pjesë: Kryeministri i Republikës së Kosovës, Avdullah Hoti, znj. Nataliya Apostolova, Shefe e Zyrës së BE-së/Përfaqësuese e Posaçme e BE-së në Kosovë, Rashit Qalaj, Drejtor i Përgjithshëm i Policisë së Kosovës, si dhe të ftuar tjerë nga institucione vendore e ndërkombëtare.
Ftojmë mediat të marrin pjesë në këtë aktivitet në ambient të hapur, duke respektuar masat mbrojtëse nga COVID-19, përfshirë maskat dhe distancën./InLajmi/
