Pas pezullimit për të aplikuar për anëtarësim në organizatat ndërkombëtare, përfshirë edhe ato të të sigurisë pas kërkesës së SHBA-së si shkak i dialogut me Serbinë, vlerësohet se vendi edhe për një kohë nuk do të aplikoj në Europol dhe Interpol, raporton InLajmi.
Sipas ekspertëve të çështjeve të sigurisë, fokusi i Kosovës duhet të jetë në luftimin e krimit dhe korrupsionit brenda vendit.
Njohësi i çështjeve, Arton Demhasaj deklaroi se një pjesë e madhe e krimeve kryhen jashtë pikave kufitare, por që si shkak i bashkëpunimeve bilaterale me disa vende e pengojnë këtë dukuri.
“Kosova ka provuar dhe ka dështuar në anëtarësimin në organizatat e sigurisë siç është Europol dhe Interpol. Qeveria i ka ndërpre komplet tendencat e saj për të aplikuar në këto organizata për shkak të dialogut”.
“Ka qenë kërkesë e SHBA-së që Kosova me ndal aplikimin në këto organizata. Besoj se edhe për një kohë nuk ka me pasur tendenca që Kosova me aplikua për tu anëtarësuar në këto organizata”.
Demhasaj poashtu ka thënë se EULEX-i nuk ka ndonjë ndihmesë të madhe me kompetenca ekzekutive përfshirë edhe çështjet e krimeve të luftës.
Andaj thotë ai se vendi duhet të fokusohet në luftimin e kriminalitetit.
Ehat Miftaraj nga Instituti i Kosovës për Drejtësi (IKD), thotë se anëtarësimi në organizata ndërkombëtare kërkon përkrahje të shumicë së shteteve.
Sipas Miftarajt, si shkak situatës që gjendet vendi do ta ketë më të vështirë të anëtarësohet.
Ai tha se Kosova në gjendjen në të cilën gjendet dhe më përkrahjen jo të duhur që e ka pasur edhe në të kaluarën do ta ketë më të vështirë të funksionojë.
“Pjesa më e rëndësishme është mbështetja e parezervë e shteteve që e kanë njohur vendin por edhe me vendet që ka bashkëpunim”, u shpreh ai./InLajmi/
https://vimeo.com/441729262
