Në debatin e iniciuar për pensionistët kontribudhënës, të iniciuar nga deputetja Teuta Haxhiu, ka folur edhe deputetja e Aleancës së Ardhmërisë së Kosovës, Time Kadriaj, raporton InLajmi.
Kadriaj ka kërkuar zgjidhjen e kësaj çështjeje. Ajo ka thënë se shumë prej pensionistëve kosovarë që janë plaçkitur nga Serbia kanë vdekur, por ka kërkuar që anëtari më i afërt i familjes t’i gëzojë ato para.
Kadriaj ka thënë se fondi pensional i grabitur nga Serbia kishte vlerë deri në 2 miliardë euro. Ajo ka kërkuar që të realizohet e drejta e pensionistëve dhe ata të marrin atë që u takon.
“Sipas vlerësimeve të përafërta, thuhet se shuma e fondit pensional të Kosovës, arrin vlerën e 2 miliardë eurove. Kur Serbia ka grabitur fondin pensional, numri i tyre ka qenë mbi 89 mijë pensionistë. Ata nuk po kërkojnë asgjë më shumë apo më pak se sa të drejtën e tyre të pamohueshme”, ka thënë ajo./InLajmi/
