Zëdhënësi i Partisë Demokratike të Kosovës, Avni Bytyçi i ka reaguar deputetes së Lëvizjes Vetëvendosje, Fitore Pacolli e cila tha se qytetarët po presin me ditë të tëra për të bërë testin ndërsa kryetarit të PDK-së, Kadri Veseli iu bë testi dhe i doli rezultati brenda ditës, përcjell InLajmi.
Bytyqi ia ka kujtuar pacollit se në kohën sa VV-ja ishte në pushtet së pari iu bë testimi kabinetetit Kurti e qytetarët prisnin pa e marrë atë shërbim.
Ai ka thënë se Fitore Pacolli dhe kolegët e saj është mirë që për çështje të pandemisë dhe testimeve të mos flasin fare, sepse, sa ishin në pushtet e bënë krejt të kundërtën me atë që predikojnë sot.
Postimi i plotë i tij:
Fitore Pacolli e Lëvizjes Vetëvendosje, paska filluar të shqetësohet edhe për shëndetin publik.
E mirëkuptoj se gjatë kohës sa ishin në pushtet e patën bërë një rregull që njëherë të testoheshin Albini me Kabinetin e tij qeveritar e pastaj qytetarët e Kosovës. Po flas në kohën kur testimet ishin në mungesë dhe kapacitet e testimeve ishin minimale.
Sido që të jetë, tash përsëri në opozitë, më lehtë është fokusi tek “qytetarët” se organizimi i protestave nga ballkoni, apo pështjellimi nëpër tenderë në ndërmarrjet publike siç është KEK-u.
Fitore Pacolli dhe kolegët e saj është mirë që për çështje të pandemisë dhe testimeve të mos flasin fare, sepse, sa ishin në pushtet e bënë krejt të kundërtën me atë që predikojnë sot. /InLajmi/
