Ministri i Shëndetësisë, Armend Zemaj, ka shprehur ngushëllime për vdekjen e mjekut Fadil Zuka si pasojë e koronavirusit, përcjell InLajmi.
Zemaj përmes një postimi në rrjetin social Facebook ka shkruar se Zuka do të mbetet shembull i profesionistit të përkushtuar e të vlerësuar nga kolegët dhe pacientët.
Postimi i plotë i tij:
Me rastin e ndarjes nga jeta të mjekut familjar dr. Fadil Zuka, i shpreh ngushëllimet më të sinqerta familjes së tij, qytetarëve të Vitisë dhe komunitetit mjekësor në Kosovë.
Duke i shërbyer profesionit të mjekut dhe popullit të tij në luftën kundër Covid-19 deri në momentet e fundit të jetës së tij, dr. Zuka do të mbetet një shembull i profesionistit të përkushtuar, të dashur e vlerësuar nga kolegët dhe pacientët e tij të cilëve u shërbeu me dinjitet e profesionalizëm.
Respekt për jetën dhe veprën e tij!/InLajmi/
