Oda e Mjekëve të Kosovës ka njoftuar se ka ndërruar jetë doktori, Fadil Zuka si pasojë e koronavirusit, përcjell InLajmi.
Oda e Mjekëve të Kosovës thekson se Fadil Zuka është doktori i parë që humb betejën me koronavirus.
Njoftimi i plotë i Odës së Mjekëve të Kosovës:
Doktori i parë që humb betejën me COVID-19
Ndahet nga jeta mjeku familjar Dr. Fadil Zuka
Dr.Zuka i takonte gjeneratës së mjekëve që ishin të persekutuar nga regjimi serb dhe kishin bërë shumë sakrifica për të ju shërbyer popullatës shqiptare që nga vitet e 90-ta. Në kohët më të vështira kishte shërbyer në Ambulanten e Shoqatës Humanitare “Nëna Terezë” në Viti, pastaj në Pozheran.
Oda e Mjekëve të Kosovës, i shpreh ngushëllimet më të sinqerta familjarëve, miqve dhe kolegëve të tij./InLajmi/
